www.ekarta.com.mk

За да се постигнат целите на квалитетот, компаниите се насочуваат кон идентификување на очекувањата од таргетираните потрошувачи во врска со нивните погледи кон дадените производи или услуги.

Задржувањето на потрошувачот е можеби и најдобрата мерка на квалитетот која ја одразува способноста на компанијата да се држи до своите потрошувачи на тој начин што константно испорачува производи за нив, првенствено.

Практиката ја разочарува теоријата во овој случај. Грешките како составен дел од сечиј карактер влегуваат во нашето секојдневие и честопати ненамерно дозволуваме да влезат и во нашите работни обврски. Впрочем, доцнењето на испораката поради густиот сообракај или загорениот стек на несмасниот вработен во некоја услужна компанија е maltene возможно. За таа цел, компаниите употребуваат методи во своето вработење со кои ќе го намалат појавувањето на грешките, како што се бесплатните телефонски броеви за контакт, редовните следења на истражувањата за однесувањето на клиентите и обуката на персоналот, каде што имаат можност самите да ги анализираат своите постапки и да се наградат или обвинат.

Следствено, давањето авторитет на првата линија на вработени со цел да делуваат брзо и ефикасно кон појавените проблеми се покажало доста успешно. Културата на квалитетот со кој се воспоставува еден јазик помеѓу работодавецот-вработениот-клиентот е формулата за успешна работа и лојални клиенти. Запомнете, задоволните потрошувачи се производ на задоволни вработени.

 

 

< Пред		Следно >