| Портал - Филм |
Со цел да го повтори успехот на "Chicago", кој беше награден со 6 оскари, Rob Marshall ја прифати режијата на уште еден бродвејски мјузикл - "Девет" (Nine).
Филмската адаптација на мјузиклот,а и самиот мјузикл е римејк на филмската класика на Federico Fellini "8 1 / 2" снимен во 1963 годинa.Daniel Day-Lewis е во главната улога и го глуми славниот италијански режисер Guido Contini, кој работи на својот нов проект. Медиумите сакаат да знаат некакви детали за неговиот нов филм, а Guido им го кажува само насловот. Причината е многу едноставна - сценариото за филмот не е ниту напишано и неговиот автор нема апсолутно никаква идеја за темата на идниот филм.
Креативноста на авторот е загушена поради проблеми со жените. Тука се неговата љубовница (Penelope Cruz), бившата жена (Marion Cotillard), неговата муза (Nicole Kidman), a меѓу нив е и атрактивната американска новинарка (Kate Hudson). А Guido мора да ги реши сите овие проблеми за конечно да може да започне со проектот.
Музичките сцени се претставени како фантазија, се случуваат во главата на Guido. Така Penelope Cruz пее полуоблечена, пејачката Fergie (проститутка од детството на Guido) пее за тоа како влијаела на него, на сцената се појавуваат и Judi Dench и Sophie Loren.
Режисерот и неговите соработници навистина се потрудиле "Девет" да добие изглед на италијански филм од 60-тите, а снимањето во Рим само помогна во тоа.
Превземено од www.kantar.mk
| < Пред | Следно > |
|---|
